• NSC Events
    NSC Events

    Media Brainstorming Session held on 07/06/2018 in Colombo

  • Regional visit
    Regional visit

    Visit to Thihariya on Promoting Concept of Shoora 

  • Drug Eradication
    Drug Eradication

    Drug Eradication Consultation with Professionals followed by the formation of Drug Eradication Task Team on 05/05/2018

  • Regional Visit - Badulla
    Regional Visit - Badulla

    NSC Regional Visti to Badulla 04th of May 2018

media10தேசிய ஷூறா சபையின் ஊடகத் துறைக்கான உப குழு ஏற்பாடு செய்த முஸ்லிம் ஊடகவியலாளர்கள் மற்றும் சிவில் சமூக செயற்பாட்டாளர்களுடனான கலந்துரையாடல் மற்றும் திட்டமிடல் அமர்வு கடந்த 30.07.2017 சனிக்கிழமை கொழும்பிலுள்ள ஜம்இய்யதுஷ் ஷபாப் கேட்போர் கூடத்தில் இடம்பெற்றது.

இலங்கையில் இயங்கும் முஸ்லிம் ஊடகங்கள் மற்றும் முஸ்லிம் ஊடகவியலாளர்களிடையே ஒருங்கிணைப்பை ஏற்படுத்தி அவர்களை மேலும் வலுப்படுத்தும் நோக்கில் ஏற்பாடு செய்யப்பட்ட  இந் நிகழ்வில் சுமார் 60 க்கும் மேற்பட்ட ஊடகவியலாளர்களும் சிவில் சமூக பிரமுகர்களும் கலந்து கொண்டனர்.

தேசிய ஷூறா சபையின் உப தலைவரும் ஊடக உப குழுவின் தலைவருமான அஷ்ஷெய்க் எஸ்.எச்.எம். பளீல் அவர்கள் இந் நிகழ்வுக்குத் தலைமை வகித்ததுடன் அறிமுக உரையையும் நிகழ்த்தினார். விடிவெள்ளி பத்திரிகையின் ஆசிரியர் எம்.பி.எம். பைறூஸ் அவர்களது ஊடகத்துறையிலுள்ள சவால்களும் வாய்ப்புகளும் எனும் தலைப்பிலான உரையும் இடம்பெற்றது.

இந்த நிகழ்வின் அவசியம் தொடர்பிலும் இலங்கையில் முஸ்லிம் ஊடகங்களின் சமகால நிலை தொடர்பிலும் ஸ்ரீ லங்கா முஸ்லிம் மீடியா போரத்தின் தலைவரும் நவமணி  பத்திரிகையின் பிரதம ஆசிரியருமான என்.எம். அமீன் உரை நிகழ்த்தினார்.

இரண்டாவது அமர்வில் பங்குபற்றுனர்கள் அச்சு, இலத்திரனியல், சமூக. ஊடகம் என மூன்று குழுக்களாக பிரிக்கப்பட்டு கலந்துரையாடல்கள் நடைபெற்றதுடன்  கலந்துரையாடப்பட்ட அம்சங்கள்  தொடர்பாக மொன்மொழிவுகளும் இடம்பெற்றன. இதன்போது இலங்கையில் முஸ்லிம் ஊடகங்களின் சமகால நிலை, அவை எதிர்கொள்ளும் சவால்கள், அவற்றை எதிர்கொள்வதற்கான வழிமுறைகள் தொடர்பில் விரிவாக ஆராயப்பட்டது.இந்த நிகழ்வை நொளேஜ் பொக்ஸ் ஊடக நிறுவனத்தின் முகாமையாளர் அஷ்கர் கான் நடத்திவைத்தார்.

media2 001

media3 001

media4 001

இந்த நிகழ்வின் போது  முன்வைக்கப்பட்ட அபிப்பிராயங்களையும் கலந்துரையா டப்பட்ட அம்சங்களையும் அடிப்படையாகக் கொண்டு திட்ட முன்மொழிவொன்றையும் மூலோபாயத் திட்டமொன்றையும் வரைந்து எதிர்கால நடவடிக்கைகளை முன்கொண்டு செல்வது எனத் தீர்மானிக்கப்பட்டதுடன் அச்சு, இலத்திரனியல் மற்றும் சமூக ஊடகங்களுக்கென தனித்தனியான செயற் குழுக்களும் அமைக்கப்பட்டன.

தேசிய ஷூரா சபையின் ஊடக உப குழுவின் ஏற்பாட்டில் நடைபெற்ற இந் நிகழ்வுக்கு ஸ்ரீ லங்கா முஸ்லிம் மீடியா போரமும் தனது பூரணமான ஒத்துழைப்பை வழங்கியிருந்தமை குறிப்பிடத்தக்கதாகும்.

flood safety.jpeg active dmu